Iban

Iban
Sumandak Iban manandasuk do rasuk poinggonop montok koonduan Iban di ontok karamaian Gawai id watas Dibak, Botung, Sarawak
Ginumu sinakagon	600,000 (Sarawak no tomod)
Watas di poingugumu sinakagon	Sarawak, Burunai & Kalimantan kabaatan
Woyoboros	woyoboros Iban
Kotumbayaan	Koristian
Tinimungan Kompinayan Otinik	Kantu, Mualang, Sambaruang, Bugau & Sabaru'

Iban nopo nga rapang do tulun tulun Dayak id Bornio. Id Malaysia, kogumuan do Iban poingiyon id Sarawak, haro tokuri id Sabah om haro nogi id Samananjung Malaysia. Nointutunan yolo ontok po di monomBoritis sobaagi do Dayak Laut. Iban nokotonuh do moningkarad om popoingayo pogigiyonon. Di pogulu nopo, tulun Iban nopo nga agaras om poinsogulu id Bornio. Moboros yolo do woyoboros Iban.

Tadau baino, nakatalib nodi moningkarad om mogiahau, naalanan do koposion poinwagu it roitan do ponompogunan om tiknoloji montok Iban. Sinakagon Iban pointimung id Sarawak, Burunai, om nogi id Kalimantan Kabaatan watas do Indonisia. Poingiyon yolo id walai tanaru roitan do rumah panjai[1]. Kogumuan do walai tanaru doun Iban nogonop do kosukupan poinwagu miagal do tongolotirik om waig paip om nogi kaganapan susuai miagal do talun-alun notiir, pioputan tolipaun om intonit. Sinukadan Iban nopo nga orubaan id kakadaian di nokoingkakat om kogumuan diolo muli do ontok suti. Sundung do baino tongotulun Iban nokoingkokot no, maso poh diolo do momiara om moningolig do tungkus om koubasanan diolo.